هي ليه الناس مش بتخليها ف حالها و يبطلوا يبصوا للي ف ايد غيرهم ؟! وليه مش عاوزين يقتنعوا ان ربنا عشان يدي لحاجه حد بياخد قدامها حاجات تانيه ويمكن أهم ؟! و ليه لحد دلوقتي مبيقتنعوش ان المظاهر أغلبها بتكون قشرة شكلها كويس بس لكن من جوه في بلاوي زرقا وأحوال مايعلم بيها إلا اللي خلقها !
صدقني اللي انت بتبُص له ده ومستكتر عليه اللي هو فيه انت لو قررت تبدل حياتك معاه يوم واحد هترجع تحمد ربنا ع اللي انت فيه وتعرف انك ف نعمه عن اللي بتبُص له ده وشايفه مبسوط عنك !
وملكش دعوه بحد ولا باللي معاه ولما تشوف حد معاه حاجه ادعيله ربنا يباركله فيها ويرضيك باللي معاك وإحمد ربنا ع اللي ف ايدك عشان انت متعرفش لو ربنا ادالك الحاجه اللي انت مبهور بيها دي هياخد منك مكانها ايه وحالك ساعتها هيكون عامل ازاي !!
ماتحكمش ع الناس بمظاهرهم .. ولا ماتحُكمش اصلاً خليك ف حالك أحسن !
